Deputeti demokrat Xhelal Mziu, është shprehur se në PD mund të jenë disa deputetë që do të japin dorëheqjen për të garuar në zgjedhjet lokale. Ai përmendi dhe emra konkretë, si Këlliçi apo Ramadan Lika.
I ftuar në emisionin “Ora e Betit”, Xhelal Mziu u shpreh se këto zgjedhje janë shumë të rëndësishme si pararendëse të zgjedhjeve të përkohshme, apo të parlamentareve të 2025.
“Është edhe Berlind Këlliçi që mund të jetë një ndër ata që mund të japë dorëheqjen, mund të jetë edhe Ramadan Lika apo persona të tjerë. I konsideroj zgjedhjet e 14 majit shumë të rëndësishme për hapjen e zgjedhjeve të parakohshme ose së paku në vitin 2025”, tha Mziu.
