Drejtori i Zyrës së Shtypit në PD, Alfred Lela u shpreh se sot Sali Berisha ndodhet në shtëpi pranë familjarëve të tij.
Gjatë intervistës për Euronews Albania, Lela tha se sot nuk do të ketë asnjë reagim nga Berisha për ngjarjen e djeshme brutale, pasi gjithçka e tha dje.
“Zoti Berisha ka marrë me dhjetëra mesazhe nga miq të tij të huaj. Berisha një ditë pas goditjes brutale ndodhet nën ngrohtësinë e familjes, ku do të ndodhej gjithsecili prej nesh. Mos prisni sot reagim nga Berisha. Berisha e bëri dje reagimin si burrë në një mënyrë epike, pavarësisht sulmit ai qetësoi gjakrat, rezistoi si burrat dha një konferencë shtypi mbi 30 minuta”, u shpreh Lela.
