Ish-kryebashkiaku i Kukësit, Safet Gjici ka kërkuar lirimin nga qelia për shkak të gjendjes shëndetësore.
Sipas avokatit, ish-kryebashkiaku i Kukësit vuan nga probleme me zemrën, zmadhim të aortës dhe diabet të formës së rënduar. Avokati i Safet Gjicit ka deklaruar se ish-zyrtari i PS-së i ka vuajtur edhe më herët nga këto sëmundje, por sipas tij, gjendja e rënduar psikologjike në burg ka rënduar edhe gjendjen e tij shëndetësore.
Ndërkohë Gjykata e Elbasanit vendosi thirrjen e ekspertëve mjeko-ligjorë që do të verifikojnë gjendjen shëndetësore të pretenduar të Safet Gjicit, i cili kërkoi që pjesën tjetër të dënimit ta vuajë në shtëpi.
Seanca e radhës ku ekspertët mjekoligjorë do të paraqiten në gjykatë për të marrë udhëzimet është data 14 nëntor. I dënuar nga Gjykata e Posaçme e Apelit me tre vite burgim per “Korrupsion pasiv”, Gjici ndodhet aktualisht i shtruar në një spital privat.
