Gushti ka nisur me ritme të larta pasagjerësh në Vlorë, duke përmbushur pritshmëritë për një sezon turistik të mbushur me vizitorë nga jashtë vendit.
Vetëm në orët e para të mëngjesit të së dielës, 1236 pasagjerë kanë zbarkuar në Portin e Vlorës me dy tragetet e linjës detare që lidh qytetin me Brindisin.
Autoritetet portuale bëjnë me dije se fluksi ka qenë në rritje që prej fundit të korrikut, ndërsa piku pritet të arrihet gjatë javës së dytë të gushtit.
Dy javët e para të gushtit pritet të sjellë një numër të lartë turistësh, por edhe shqiptarë, emigrantë që jetojnë në vendet fqinje dhe zgjedhin të kalojnë pushimet në atdhe.
Me fluks të lartë në hyrje në portin detar të Vlorës ka qenë edhe dita e premte, ku në këtë port të premten kanë hyrë 701 pasagjerë si dhe 208 makina, 7 kampera si dhe autobusë.
