Kryeministri Edi Rama ka reaguar në lidhje me kontratën e kompanisë ajrore “Ryanair” me Kastrati Group”.
Rama shkruan se kompania e fluturimeve Ryanai prej 31 tetorit do të nisë fluturimet në Shqipëri, pas firmosjes së marrëveshjes disa muaj më parë. Kreu i qeverisë njofton se “Ryanai” ka planifikuar krijimin e vendeve të reja të punës, si dhe fluturime direkt nga Tirana drejt kryeqyteteve evropiane.
“Kompania e fluturimeve Ryanair gati prej 31 tetorit të nisë fluturimet në Shqipëri, pas firmosjes së marrëveshjes disa muaj më parë. 200 fluturime në javë në 17 destinacione. Ryanair planifikon krijimin e vendeve të reja të punës, si edhe ofrimin e mundësive të reja për fluturime direkte mes Tiranës dhe kryeqyteteve europiane. Shqipëria Turistike po rritet çdo muaj; vetëm për shtatorin numri i vizitorëve të huaj ishte 1.1 milionë, 45% më shumë se e njëjta periudhë e vitit të kaluar”, shkruan Rama
