Taulant Balla ka deklaruar nga Brukseli se nuk ka asnjë të vërtetë në lidhje me përgjimet që pretendon opozita dhe disa media. Gjatë intervistës për Euronews Albania, Balla tha se sapo të kthehet në Tiranë, do të përballet me shpifësit dhe do të firmosë kallëzimet penale.
Gazetarja: Opinioni publik këtu në Shqipëri prej disa ditësh tashmë zien për një çështje, për të cilën ju nuk keni folur. Opozita gjithashtu ju ka akuzuar, më lejoni t’ju pyes: A je ti politikani me emrin Taulant në përgjimet?
Taulant Balla: Sapo të jem në Tiranë, jam i gatshëm të merrem me “babalen” e radhës.
Gazetarja: Pse Babalen e radhës? Janë akuzat e opozitës apo ka diçka të vërtetë?
Taulant Balla: Asnjë gjë të vërtetë nuk ka. Asgjë! Sapo të jem në Tiranë dhe të jem në parlament, që t’i kem shpifësit përballë, e pastaj drejtësia do merret me këtë çështje. Sepse kallëzimet penale janë duke u bërë gati dhe sapo të kthehem do i firmos.
