Gazetari Arbër Hitaj deklaroi se në këto zgjedhje të 11 majit mund të kemi dhe të papritura.
Sipas gazetarit, dy lider të partive të vogla mund të kalojnë tek PS-ja më një post ministri.
“Kam dëgjuar disa nga liderët e partive të reja që kanë deklaruar se vota e tyre, një mandat i tyre është e barabartë me një ministër të PS ose PD-së. Këtë e shikoj si një mesazh që nënkupton se nesër jemi të hapur për negociata dhe bashkëqeverisje, qartazi me një post ministri. Pra, mendoj se ata do kalojnë tek Partia Socialiste me një post ministri. Ketë e kemi parë dhe në vende të tjera, ka ndodhur dhe në 2009-t-tën kur LSI me 4 mandatet e saj vajti tek Sali Berisha. Nuk e shikoj si diçka absurde”, tha Hitaj.
I pyetur se pse mund t’i duhet Edi Ramës një hap i tillë, Hitaj theksoi se kjo mund të ndodhë nëse kryeministri do të ketë nevojë për një mandat tjetër.
“Nëse rezultati del 69, besoj që do të hapet edhe pjesa e negociatave dhe nuk do habitesha fare që një pjesë e atyre që janë në lista të PD-së të kalojnë në listat e PS-së”, tha Arbër Hitaj.
