Gazetari i “Syri TV”, Bledian Koka ka komentuar injorimin që i bëri Ambasada Amerikane Sali Berishës të shpallur “Non Grata”.
Sipas gazetarit, Ambasada e SHBA i ka kërkuar ndihmës Berishës që të vetëpërmbahet me qëndrimet e tij për “Reformën në Drejtësi” e cila sulmohet çdo ditë nga kryedemokrati.
“Ideja që ne nuk bashkëpunojmë me ‘non-grata’-t, ka rënë si narrativë. Nga koha kur Yuri Kim doli në derën e PD dhe u tha demokratëve që nëse ata shkoni mbrapa Sali Berishës, do ‘hajnë bar’, kjo ka ndryshuar dhe kanë rrjedhur shumë ujëra, ujëra që treguan se demokratët që ‘hanin bar’ kishin të drejtë. Ata që presin diçka është vetë Ambasada amerikane nga Sali Berisha. Ambasada ka kërkuar një vetëpërmbajtje të Berishës në raport me qëndrimin me reformën në drejtësi. Berisha nuk i ndihmon dot në këtë hall të madh që ata nuk e kanë më Berishën”, tha gazetari Koka.
