Gazetari Enton Abilekaj thotë se nëse Ilir Meta do të dalë i pafajshëm, atëherë do të duhet që paratë për dëmshpërblimin e tij t’i paguajnë qytetarët shqiptarë.
Gazetari i njohur për bindjet e tij opozitare shprehet se Ilir Meta mund të hetohej në gjendje të lirë derisa gjykata të merrte një vendim lidhur me dosjen për të cilën ai akuzohet.
“Duhet qenë se është një person nën hetim, mund të ndiqej në gjendje të lirë. Kur merren hapa të tillë të arrestimit të një figure politike aktive dhe për më tepër ish-President, dosja duhet të jetë e plotë dhe aq e qartë sa të mos ketë mundësi që të dalë i pafajshëm. Nëse Meta del i pafajshëm, paratë do i paguajmë ne, siç ka ndodhur. Dëmshpërblimi do të jetë shumë i madh sepse është një figurë politike në aktivitet dhe me një imazh të caktuar. Mund të jenë miliona Euro që do i paguajmë kot”, tha Enton Abilekaj.
