Drejtori i Përgjithshëm i Policisë së Shtetit, Skënder Hita, ka pezulluar nga detyra efektivin e “Shqiponjave”, i cili gjatë protestës së mëngjesit të sotëm, në afërsi të Zogut të Zi, goditi me grusht një qytetar të arrestuar.
Po ashtu, kryepolici Hita ka urdhëruar Drejtorinë e Standardeve Profesionale në Policinë e Shtetit për nisjen e hetimit disiplinor ndaj punonjësit të Policisë, Judis Hoxha, për përdorim të paligjshëm dhe të paarsyeshëm të forcës, si dhe për kryerjen e veprimeve që cenojnë rëndë figurën e punonjësit të Policisë, institucionin apo shërbimin policor në tërësi.
Në njoftim theksohet gjithashtu se Policia e Shtetit nuk dp të tolerojë asnjë veprim që kryhet në kundërshtim me ligjin dhe me standardet profesionale të punës dhe do të vijojë të reagojë me vendosmëri ndaj çdo shkeljeje nga punonjësit e saj./ NewsBomb.al
