Në emisionin “Opinion”, është diskutuar lidhur me ndryshimet e fundit në qeveri si dhe me shtimin e numrit të ministrive të reja.
Një nga ministrat e rinj të emëruar nga kryeministri Edi Rama është Blendi Gonxhe, i cili do të mbajë detyrën e ministrit të Ekonomisë, Kulturës dhe Inovacionit. Analisti Baton Haxhiu e sheh këtë lëvizje të Kryeministrit Rama si një manovër për ta projektuar Blendi Gonxhen si kandidat për kryetar bashkie të Tiranës për zgjedhjet e vitit 2027.
“Nuk e di a projektohet si kryetar i bashkisë, por Rama më shumë se kryeministrin e do shumë Bashkinë e Tiranës. Mendoj që besueshmëria nuk i takon dikujt që në një moment të caktuar dhe natyrshëm që një Tiranë e cila i duhet pas vitit 2027 është e lidhur shumë me Blendi Gonxhen. Mund të jetë gjithçka por mendoj që ky është projekti i Ramës”, tha Baton Haxhiu.
