Pasi Apeli e la në qeli dhe humbi shpresat për të dalë nga burgu, Ilir Meta e ka një porosi për militantët e Partisë së Lirisë.
Sekretari i Partisë së Lirisë, Tedi Blushi lexoi një letër që ia kishte dërguar Ilir Meta nga burgu i cili bënte thirrje që të nisin protestat para godinës së SPAK-ut.
“Të nisin protestat paqësore periodike para SPAK për të denoncuar të gjitha manipulimet skandaloze të tyre në dosjen kundër meje dhe për të denoncuar aferat skandaloze të Edi Rames që SPAK nuk i heton”, thuhet në mesazhin e Metës.
Kujtojmë që ditën e sotme, SPAK-u sekuestroi dy vilat, një në pronësi të Monika Kryemadhit dhe nënës së saj, Fatime Kryemadhit (ish vjehrra e Metës).
