Lefter Maliqi ka komentuar protestën e zhvilluar mbrëmjen e djeshme nga opozita.
Besniku i Sali Berishës dhe Ilir Metës, i “madhërishmi” Lefter Maliqi deklaron se Edi Rama i “frikësohet” humbjes së zgjedhjeve, nëse vendoset për qeveri teknike.
“Ne treguam që opozita ishte e bashkuar dhe një pjesë e personave që qëndronin pas vulës ishin në protestë. I jap dorën dhe përfaqësuesit të Bashës që nëse do kisha votat e tij do të kisha fituar 100% e kam mik dhe i jap dorën sepse jemi së bashku për të rrëzuar Ramën. Me zgjedhje të ndershme të jeni të bindur që me qeveri teknike humb Rama, i humb keq zgjedhjet dhe do të tentojë që të mos e pranojë këtë kusht të opozitës. Me zgjedhje të ndershme, Rama kurrë nuk fiton”, tha Maliqi, duke habitur të gjithë pasi sondazhet e nxjerrin fitues të padiskutueshëm Edi Ramën i cili po shkon drejt mandatit të katër qeverisës.
