Ministri i Brendshëm, Ervin Hoxha është më i preferuari i të burgosurve në Tiranë. Ai ka marrë mbështetjen me të madhe të votave nga të dënuarit e burgut 313 dhe burgut 302 në kryeqytet.
E habitshme, por duket se të dënuarit me paraburgim, janë të ‘kënaqur’ me drejtuesin e ministrisë së Brendshme dhe policinë që i ka vënë në pranga.
Ndërkohë që, duket se edhe Ilir Meta, Presidenti i PL ka bërë fushatë nga qelia. Ai ka marrë 58 vota në burgun 313-të, duke u bërë i dyti më i votuar mes të burgosurve pas ministrit, i cili mori 92 vota.
Partia Demokratike për momentin është me 13 mandate në Tiranë, duke futur kështu vetëm një nga lista e hapur. Jashtë Kuvendit ngelet Ilir Meta, Shpëtim Idrizi, Myslym Murrizi dhe Asllan Dogjani.
