Një ndër emrat më autoritarë në sektorin policor të zbatimit të ligjit, Mit’hat Havari, flet pa doreza për zhvillimet aktuale në vend.
Havari thotë se Sali Berisha dhe Ilir Meta, sipas tij, kanë frikë nga Dumani, në radhë të parë sepse kanë shkelur të drejtat njerëzore.
“Berisha ka problem vetëm prapanicën e vet dhe të askujt tjetër. Nuk i dhimbset fare Altin Dumanit që është duke bërë detyrën. Unë Altin Dumanin e njoh, kam shumë respekt. Nëse Shqipëria ka një rreze shprese, ky popull që fle gjumë, që duhet të zgjohet, e ka nga Reforma në Drejtësi, SPAK-u, kryeprokurori i SPAK-ut, Altin Dumani me bashkëpunëtorët e tij. Por partnerët kanë besim tek ata. Puna që bën Dumani ka qenë shumë frytdhënëse se dhe ka ngjallur shpresa te populli, edhe te ndërkombëtarët që kanë investuar kaq shumë. Dumani, SPAK-u, BKH-ja kanë goditur pandëshkueshmërinë, bajlozët e politikës, dy më kryesoret, Berishën dhe Metën”, tha Havari në Dritare TV.
