Kryeministri Edi Rama ka dhënë lajmin fantastik këtë fundvit duke premtuar se qeveria do të japë “Pakon e Madhe” në mbështetje për 1 milion individëve.
Rama thotë se paketa do t’u vijë në ndihmë familjeve dhe parashihet të jetë mbi 8 miliardë lekë në dorë për të gjithë individët e përfshirë dhe do të mbyllet brenda ditës së sotme.
“Qeveria po mbyll Pakon e Madhe në mbështetje të 1 milionë individëve, për të lehtësuar ndjeshëm daljen e familjeve shqiptare nga ky dimër i ngarkuar, duke zeruar efektin e inflacionit të luftës mbi konsumin bazë për pensionistët, familjet në ndihmë ekonomike, posaçërisht nënat kryefamiljare në skemën e ndihmës ekonomike, paraplegjikët, tetraplegjikët, personat me aftësi të kufizuara, invalidët e punës, po edhe për punonjësit e shtetit – duke dhënë më shumë për ata që fitojnë më pak, por pa lënë askënd pa mbështetje. Pakoja e Madhe, e cila parashihet mbi 8 miliardë lekë në dorë për të gjithë individët e përfshirë, do të mbyllet brenda ditës së sotme dhe do të shpërndahet e gjitha në ditët e para të janarit. Kjo është qeveria e shumicës!”, shkruan Rama.
