Ministrja Belinda Balluku deri në mesnatë ka qëndruar në terren pranë Hidrocentralit të Vaut të Dejës ku dhe ka monitoruar nga afër situatën.
Balluku tha se u është dashur që të bëjnë shkarkime të organizuara, pasi në të kundërt do të kishim përmbytje masive. Ministrja tha se rreshjet e shumta të shiut kanë një anë pozitive pasi prurjet e ujit janë në maksimum në hidrocentralin e Fierzës, çka do të thotë përmirësim në fushën e energjisë elektrike.
“Kemi pasur reshje me intensitet të lartë që kanë qenë mbi parashikimet tona dhe na është dashur të bëjmë shkarkime të organizuara. Në të kundërt do të kishim përmbytje masive. Pas një viti shumë torturues te fushës energjetike, do të mund të kemi prurje të konsiderueshme në hidrocentralin e Fierzës. Ne e ndjejmë detyrim të informojmë se qytetarët dizinformohen nga njerëz që nuk e prekin terrenin dhe kur ka emergjenca e shfrytëzojnë për qëllime politike”, tha Balluku.
