Profesori i Kriminalistikës, Ervin Karamuço deklaroi se ka ndryshuar totalisht taktika e hetimeve të cilët të japin një gotë me ujë në momentin që meresh në pyetje.
Karamuço u shpreh se tashmë në funksion ka hyrë shkolla amerikane, ku nuk kanë më kompleksitetin se kë kanë përpara, ish-president apo ish-kryeministër.
“Ka ndryshuar komplet taktika e hetimeve. Kemi pasur taktikën bolshevike, erdhëm tek ajo kontinentalja, tani jemi tek shkolla amerikane. Madje edhe vetë ata që po e zbatojnë në SPAK këtë, sapo janë trajnuar për këtë çështje. Nuk kanë më kompleksin se përpara kanë ish-president apo ish-kryeministër. Kanë futur disa teknika të investigimit që nuk i kemi njohur më parë. Kur shkon në SPAK të japin gotën e ujit dhe ti mendon që kaq miqësorë janë, është pjesë e taktikave që bëhet. Pra kanë krijuar një mënyrë tjetër të implementimit të një shkolle, ku shumica e këtyre do të bien në një “grackë” të ligjit. Edhe këto dosje që ne flasim janë dosje depërtimi, ndërkohë që ti mendon që është dosja dhe unë nuk kam asnjë firmë. Ata po hetojnë një gjë më të madhe që ka të bëjë me pasuri, asete dhe para kudo që t’i kesh”, tha Karamuço.
