Këtë të premte, kryeministri Edi Rama ndodhet në Stamboll ku mori pjesë në forumin botëror TRT dhe u takua me presidentin turk Erdogan.
Gjatë fjalës së tij, ai vlerësoi Turqinë dhe veçanërisht presidentin e saj për stabilitetin e Europës.
“Pa Rexhep Taip Erdogan muret e Europës nuk do të kishin qëndruar në këmbë. Turqia është kyç për stabilitetin e Europës dhe po të përfytyronim për një moment të vetëm të kundërtën mendojeni se sa frikshëm do të binte Europa nëse dera e saj e pasme nuk do të ruhej kështu nga Turqia”, u shpreh Rama. Në këtë forum, kryeministri Rama zhvilloi një takim me presidentin turk Erdogan.
