Kryeministri Edi Rama ishte sot Kamëz ku nuk i kurseu kritikat dhe ironinë për 2 rivalët e tij, Ilir Meta dhe Sali Berisha.
Teksa iu referua Partisë së Lirisë si Partia e Lekut, Rama tha se edhe ish-LSI është e përfshirë financimin rus njësoj si Partia Demokratike.
“Ne kemi provën që çadra e famshme dhe gjithë ajo përpjekje ishte e bazuar tek një skenar që financohej nga paratë ruse. Tani për çfarë mund të financojë një fuqi si Rusia një parti në Shqipëri kundër qeverisë? Për ta bërë më demokratike, më të fortë, më të besueshme me aleatët strategjikë? Komplet të kundërtën. Për të bërë thyerje. Unë mendoj dhe shikoj se nuk është vetëm PD. Përveç provës kokëfortë që PD është në thesin e rublave ruse, bashkë me atë Partinë e Lekut, PL janë në thesin e rublave”, tha Rama.
