Partia ‘Aleanca e Maqedonasve për Integrimin Europian’ (AMIE) nën drejtimin e Vasil Sterjovski ka njoftuar ditën e sotme largimin nga koalicioni me Partinë Demorkatike.
Në një letër drejtuar KQZ-së, ky subjekt politik kërkon çregjistrimin nga koalicioni me Sali Berishën për shkak se dështuan negociatat.
“Dështuam në negociata, i kërkova një vend në listën e hapur të Korçës, refuzuan. Edhe në qarqe të tjera nuk na dhanë vende. Pra koalicion, por s’na dhanë asnjë vend në listë”, tha kryetari Vasil Sterjovski.
“Partia Aleanca e Maqedonasve për Integrimin Europian (AMIE) njofton tërheqjen nga koalicioni zgjedhor “Partia Demokratike – Aleanca për Shqipërinë Madhështore”. Ju kërkojmë të çregjistroni emrin e partisë sonë nga ky koalicion”, thuhet në kërkesën drejtuar KQZ.
