Deputetja socialiste Marjana Koçeku, ka njoftuar largimin e saj nga Partia Socialiste, duke deklaruar se prej sot do të ushtrojë mandatin si deputete e pavarur.
Koçeku shkruan se vendimi i saj lidhet me bindjet dhe parimet që ka mbrojtur ndër vite, duke shtuar se idealet dhe vlerat e saj mbeten të pandryshuara.
“Prej sot jam deputete e pavarur. Idealet dhe vlerat e mia janë ato që i kam pasur dhe i kam shprehur që para se të asociohesha me një parti. Ato m’i përcaktojnë kufijtë”, shkruan deputetja socialiste.
Deklarata e Koçekut vjen në një moment të rëndësishëm politik dhe pritet të sjellë reagime në radhët e Partisë Socialiste, ndërsa ende nuk dihen detaje mbi arsyet që e çuan drejt këtij vendimi.
Nuk dihet nëse dorëheqja e Koçekut nga PS ka të bëjë me protestat masive të qytetarêve që prej ditësh derdhen në rruget e kryeqytetit duke kerkuar largimin e kryeministrit Edi Rama.
