Ervin Salianji, pas vendimit të Gjykatës së Apelit të Posaçëm do të vetë-dorëzohet në Drejtorinë e Policisë.
Apeli i Posaçëm, ditën e sotme vendosi të linte në fuqi dënimin me një 1 burg për Salianjin, i cili akuzohet për “kallëzim të rremë”. Salianji ka deklaruar para mediave se do të dorëzohet në Drejtorinë e Policisë së Tiranës dhe fushatën do ta bëjë nga burgu.
“Do të jem në një fushatë të jashtëzakonshme, nuk jam i pari që bëj punë. Jam i dënuari i parë politik pas 34 vitesh. Do ta bëj fushatën nga burgu”, premtoi Salianji.
Me këtë vendim, merr fund karriera politike e Salianjit pasi ai preket nga ligji i “Dekriminalizimit” që e ndalon të jetë në listën e kandidatëve për deputetë.
