Pas djalit të Donald Trump dhe Richard Grenell, tashmë edhe Bashkimi Europian ka përgënjeshtruar Sali Berishën.
Reagimi i delegacionit të BE vjen pas një lajmi të publikuar në “SYRI TV”, ku pretendohej se ambasadori Silvio Gonzato ka modifikuar raportin e OSBE-ODHIR.
Bashkimi Europian përgënjeshtron këtë lajm duke theksuar se pretendimet e Sali Berishës janë të pavërteta, ndërsa shton se dezinformimi dëmton besimin e publikut në proceset demokratike.
“Artikulli i publikuar nga Syri.net, që pretendon se Delegacioni i BE-së në Shqipëri apo Ambasadori kanë ndërhyrë për të hequr emra nga raporti paraprak zgjedhor i OSBE/ODIHR, është i pavërtetë. Raportet e vëzhgimit zgjedhor të OSBE/ODIHR janë të pavarura, të paanshme dhe bazohen vetëm në gjetje të verifikuara nga ekipet e tyre të vëzhguesve. Dezinformimi mund të dëmtojë besimin e publikut në proceset demokratike”, thuhet në reagimin e BE.
