Për të parën herë, Luiz Ejlli është ulur dhe ka folur për jetën e tij artistike. Pa debat, pa ironi, vetëm pak shaka dhe shumë kujtime nga e shkuara e tij e suksesshme.
Gjatë rrëfimit nuk kishte si të mos e cekte atë pjesë të jetës që kaloi tek të famshmet “Ethet e së Premtes” por nuk kurseu akuzat ndaj prezantuesit të dikurshëm Adi Krastës. Mes emocioneve Luizi ka rrëfyer se si u shpall fitues, ndërsa banoret e pyetën nëse mori apo jo ndonjë shperblim monetar.
“Kalojme tek pjesa interesante, fituesi do të merrte 10.000 euro, një udhëtim çift në Antalia dhe 3 muaj në Cambrige. Dhe si përfundim unë nuk mora asnjërën“, tregon Luizi.
Një banore e pyet: Po pse?
“Nuk ja vlen ta diskutojme. Blene makina ata per vete se u duhej. Blenë makina e fuoristrada Adi me shokë…nejse histori e vjetër, ti hanë shëndoshë”, tregon Luizi.
