Deputeti Nasip Naço ka reaguar për herë të parë pasi mbeti jashtë listës së PS.
I pyetur nëse ndjen keqardhje për tërheqjen nga gara, Naço tha: “Jo, jo. Unë e falënderoj zotin Rama që vuri kritere të forta, që edhe ai që nuk e mendonte duhet ta kuptojë se vjen një ditë kur duhet të ikë. Unë besoj se ka të rinj që do ta vazhdojnë më tej stafetën. Ky vend ka nevojë edhe për brezin e ri”.
Sa i përket të ardhmes, Naço tha se duke filluar nga shtatori do t’i rikthehet profesionit të tij si avokat.
“Sigurisht, në shtator do të jem një avokat dhe ka nevojë ky vend, sidomos pas këtyre ngjarjeve, ka nevojë për avokat. Unë ia kam kthyer borxhin PS-së, kisha marrë një mandat në 2009, 2013 dhe 2017. Ia ktheva në 2021. As s’i kam borxh, as më kanë borxh. Jam qytetar i lirë”, u shpreh deputeti i PS.
