Për ambasadoren amerikane Yuri Kim, 2022 ishte një vit i madh në marrëdhëniet SHBA-Shqipëri në fushat e demokracisë, mbrojtjes, dhe biznesit. E ftuar ne studion e emisionit ‘Real Story’ ambasadorja Kim tha se SHBA janë shumë krenarë që janë partnerë realë me Shqipërinë.
Ndër të tjera znj. Kim komentoi edhe marrëdhëniet mes dy vendeve ku vlerësoi se marrëdhënia midis qeverive është më e fortë se kurrë.
“Marrëdhënia midis qeverive tona është më e fortë se kurrë. Marrëdhënia midis popullit shqiptar dhe popullit të Shteteve të Bashkuara është më e fortë se kurrë. Dhe një nga gjërat e mëdha që bëmë në 2022 ishte rritja e vlefshmërisë së vizave nga 3 vjet në 10 vjet, çka do të thotë se shqiptarët po i ndjekin rregullat gjithnjë e më shumë kur vjen fjala te vizat”- u shpreh Kim.
