Këtë të enjte, kryeministri Edi Rama ka zgjedhur ta nisë me pamje të punimeve në rrugën e Aeroportit të Vlorës. Kreu i qeverisë thotë se ky aeroport do të jetë më i madhi në Ballkan, dhe një ndër investimet më të rëndësishme për ekonominë tonë.
“Mirmengjes dhe me punën që vijon në rrugën e Aeroportit të Vlorës, i cili do të jetë aeroporti më i madh në Ballkan, dhe një ndër investimet më të rëndësishme për ekonominë e vendit, ju uroj një ditë të mbarë”, shkruan Rama.
Aeroporti Ndërkombëtar i Vlorës është në strategjinë tonë të aviacionit civil një nga veprat më të mëdha që është projektuar për të akomoduar të gjitha fluturimet kudo në botë dhe ato transoqeanike, që deri më sot nuk janë ofruar nga vendi ynë për shkak të pistës jo të përshtatshme në aeroportin e Rinasit.
