Sot shënohet dita e 30-të e protestës që po zhvillohet në Tiranë e cila kohët e fundit ka një rënie të pjesëmarrjes.
Policia e Tiranës ka proceduar në gjendje të lirë 31 protestues, të cilët akuzohen për prishje të rendit dhe qetësisë publike si edhe për pengim të qarkullimit të mjeteve të transportit.
Sipas njoftimit zyrtar, Policia e Tiranës ka proceduan shtetasit: Sh. B., B. K., A. J., V. D., A. K., L. K., R. S., I. Rr., S. E., M. Y., J. S., E. L., I. Gj., F. H., I. M., K. P., R. Sh., E. Q., B. S., A. N., A. D., F. H., Xh. P., G. P., Sh. G., I. Xh., D. D., A. K., A. R., R. D. dhe A. K.
Sipas policisë, tubimi i njoftuar se do të zhvillohej nga ora 19:00 deri në orën 22:00 në Sheshin “Skënderbej” dhe në bulevardin “Dëshmorët e Kombit”, është shtrirë më pas në disa akse të tjera rrugore të kryeqytetit, duke tejkaluar orarin dhe perimetrin e lëvizjes.
Policia bën me dije se materialet procedurale i janë referuar Prokurorisë për veprime të mëtejshme.
