Në bashkëbisedimin me të rinjtë e Beratit, kryeministri Edi Rama u ka sugjeruar që të punojnë me anë të teknologjisë e cila ofron pagesa shumë të larta.
Rama theksoi se janë një numër i madh të rinjsh dhe të rejash në Shqipëri punojnë nga shtëpia për tregje ndërkombëtare, madje sipas tij, paguhen më mirë sesa kryeministri.
“Janë një numër të rinjsh dhe të rejash në Shqipëri sot që flasim, nuk janë shumë, por fatmirësisht ekzistojnë, që punojnë nga shtëpia për tregje të tjera jashtë Shqipërisë, paguhen më mirë sesa të gjithë ne (kryeministri) që jemi këtu minimalisht dhe janë akoma në shkollë një pjesë e tyre, në shkollë të mesme apo universitet sepse koha e sotme e ka sjellë këtë mundësi që përmes teknologjisë, në rast se ti aftësohesh dhe ke çfarë t’i ofrosh atij tregu. Ti mund të gjesh punë në çdo cep të globit, pa lëvizur fare nga shtëpia. Nuk ka rëndësi jeton në qytetin e Beratit apo në fshat; në rast se ke një kompjuter dhe ke një qasje në rrjet, ti mund të punosh kudo dhe madje të jesh burimi kryesor e të ardhurve për familjen tënde, por nuk është vetëm kjo, kjo është një”, tha Rama.
