Kryeministri Edi Rama zhvilli sot një takim me qytetarët e Burrelit ku foli për programin e PS-së për ndihmat sociale.
Rama tha se duke nisur nga viti 2026 do të ndryshojë “bonusi i bebes” duke ndihmuar akoma edhe më shumë familjet e reja.
“Dyfishojmë mbështetjen për fëmijët me aftësi speciale dhe nënat e tyre. Do ta rikonceptojmë programin e bonusit të bebes duke filluar nga 2026, dhe në vend të ndihmës financiare me çek, ecim me skemë tjetër më të avancuar sipas numrit të fëmijëve, me pagesa mujore 2, 3 dhe 5 vjeçare. Sipas numrit të fëmijëve, kush bën më shumë do t’i rrimë më afër më shumë. Kemi bërë projektin dhe kemi 20 ndërmarrje sociale për punësimit e grave që është shumë i rëndësishëm.”, u shpreh Rama.
