Qeveria shqiptare i është përgjigjur menjëherë thirrjes për ndihmë, pas tërmetit shkatërrimtar në Turqi që shkaktoi viktima të shumta, të plagosur dhe dëme të konsiderueshme.
Një mision ndihme nga Forcat e Armatosura të Shqipërisë, dhe Agjencia Kombëtare e Mbrojtjes Civile, në përbërje të të cilit janë 88 personel mjekësor, specialistë të kërkim-shpëtimit si dhe 9 mjete janë nisur drejt Turqisë, ku do të marrin pjesë në operacionet e kërkim-shpëtimit. Kryeministri Edi Rama gjatë mesazhit të ngushëllimit beri me dije se Shqipëria do të dërgojë një ekip shpëtimi drejt zonave të prekura nga tërmeti.
Teksa shprehu mirënjohjen edhe në emër të Kryeministrit Edi Rama për të gjithë personelin që do të angazhohet në këtë operacion, ministri Peleshi tha se ky është një kontribut që i kthehet Turqisë, e cila e ka ndihmuar Shqipërinë gjatë tërmetit të 26 nëntorit 2019.
