Këngëtari i njohur Noizy pati një kërkesë për kryeministrin Edi Rama, për të shtruar një rrugë të fshatit të babait të tij në Dibër.
Teksa i premtoi se rruga e fshatit Lubalesh do shtrohej, Rama i vuri një “kusht” Noizyt.
Rama: I thoja o Noiz pa e bë atë Lamborghinin tat me shku plumb pushke deri në Peshkopi, nuk e lej këtë punë. Noizy çonte drona e disa makina të lodhura dhe kishte hall se i prishej Lamborghini. Ja ku je sot, Lamborghinin e ke aty. Ti do marrësh Lamborghini do futesh nga rruga e Maqellarës.
Noizy: E kam një kërkesë, babai im ka lindur me një fshat Lubalesh. Nga ura e Shupenzës është 2 kilometra pa shtru. Ma shtroni dhe atë rrugën të shoh gjyshin se e kam akoma atje. Dy kilometra janë.
Rama: E kuptoni tani? Nuk u prishëm as për atë tunelin e tmerrshëm të murrizit sikur kishin ardhur xhindet, nuk do prishemi për dy kilometra. Ne do ta bëjmë rrugën, por kushti është ky koncertin e vet Noizy do ta prezantojë këtu. Asaj rrugës do ia vejmë ‘Rruga e Noizyt’, dakord kryetar? Do t’i vejmë gozhda që të mos shkojnë me shpejtësi makinat.
