Deputeti demokrat Dashnor Sula nuk do të jetë në listën e opozitës për kandidat si deputet në zgjedhjet e 11 majit.
Në një intervistë për “Shqipëria Live”, Dash Sila tha se pasi është informuar se nuk do të jetë pjesë e listës, ka kontaktuar Sali Berishën, por ky i fundit nuk i është përgjigjur.
Sula u shpreh se është hequr nga lista pasi është një mbështetës i SPAK-ut dhe sipas tij, çdo deputet që mendon ndryshe nga Berisha, Vokshi dhe Noka, do të fshihet nga ajo listë.
“Bëhet fjalë mos të jem fare pjesë e listës. Nuk jam negociuar, madje i kam shkruar edhe Berishës mesazh për ta takuar, nuk kam marrë as një përgjigje. Kam dhe gjëra që nuk i them publikisht. Unë di që do fshihen të gjithë ata që nuk mendojnë si Berisha Vokshi dhe Noka. Unë i kam dalë i pari në qarkun e Elbasanit dhe nuk u kam kërkuar asnjë votë. Derisa të mbyll do i respektoj, moralisht jam i fituar. Nuk kam besimin e liderit Berisha tani s’kam ça bëj unë. Më thanë disa kolegë të PS, pas Saliut ti ke qenë më i egër me ne. Gjënë më të shenjtë kam lirinë, sa të jem gjallë do flas dhe mbroj interesat e shqiptarëve. Lista e Elbasanit do duhen të jenë njerëzit që e meritojnë. Ne rrezikojmë të dalim me 4 mandate në Elbasan, kjo më shqetëson mua”, u shpreh Sula.
