Ministrja Belinda Balluku i ka kërkuar deputetëve të opozitës të votojnë projektligjin për huan nga Fondi Saudit për ndërtimin e aksit rrugor Qukës-Qafë Plloçë.
Balluku ka shpalosur disa prej projekteve infrastukturore të qeverisë për të cilat punohet dhe ato të planifikuara për të nisur nga viti tjetër. Ndër to, Balluku përmendi edhe ndërtimin e një rruge të re në Lurë, që së bashku me unifikimin e çative të banesave, do e kthejë këtë zonë në një vend unikal turizmi.
“Ndryshe nga ju që nuk merrnit masat, dhe ngelej Lura e Thethi të bllokuara, kur shkuam ne me borëpastruese për të hapur rrugët, njerëzit ngeleshin të habitur, se ata rrinin për 6 muaj të bllokuar. Lura nuk do ketë vetëm rrugën e re, por edhe unifikimin e çative në këtë zonë. Për ta kthyer në një vend unikal turistik. Aksi Milot-Shkodër është në vëmendjen tonë. Ne do të hapim garën për Milot-Balldren. Dhe me Murriqanin, që do të lidhë Republikën e Shqipërisë me një autostradë të mirëfilltë me Malin e Zi”, tha Ballulu.
