Bordi i Transparencës ka reaguar duke publikuar çmimet e reja të karburanteve (nafta, benzina e gazi) në vendin tonë të cilat do të hyjnë direkt në fuqi dhe do të jenë të vlefshme deri në mbledhjen e ardhshme.
Bordi i ngritur nga Kryeministri Edi Rama ka ulur akoma edhe më shumë çmimin e naftës e cila nga sot do të kushtojë 211 lekë/litër nga 214 që ishte ditë më parë. Ulje më të madhe shënon edhe çmimi i benzinës e cila do të kushtojë 194 lekë/litër nga 202 lekë që ishte më parë, kurse gazi do të shitet me 71 lekë/liter.
Çmimet e caktuara nga Bordi do të hynë në fuqi sot, datë 25 nentor dhe do të jenë të vlefshme deri në mbledhjen e ardhshme të bordit që është ngritur nga Qeveria Rama për të mos lejuar abuzimet me çmimet.
