Një përplasje e fortë ka ndodhur në Kuvend ku deputetët e PD-së rrethuan kreun e SPAK-ut, Altin Dumanin duke tentuar të bëjnë presion ndaj Prokurorisë së Posaçme e cila po heton shumë çështje të nxehta mes tyre edhe arrestimin e Sali Berishës.
Nënkryetarja Ermonela Felaj i ndërpreu fjalën deputetes së PD, Elda Hotit pasi ishin ezauruar pyetjet që ajo i drejtoi Altin Dumanit i cili sot raportoi në Kuvend bilancin e punës së SPAK-ut. Në një moment Flamur Noka iu “turr” në foltore Altin Dumanit. Pas kësaj situate, ndërhyri Garda e cila qetësoi situatën.
- Bardhi: Jepi fjalën koleges! Nuk ke asnjë të drejtë t’i heqësh fjalën, çfarë je ti, vlerësuese e zyshës së klasës së parë? Jepi fjalën, pastaj të flasi ai (Dumani)
- Felaj: Keni pyetjet tjetër për të bërë? Ka mundësi të uleni?
- Noka i drejtohet foltores ku ndodhet Altin Dumani.
- Felaj i drejtohet Flamur Nokës: Ulu, ulu! Ç’pate, ulu zoti Noka! Ulu në vend ti, zoti Bardhi dhe Voshki. Nuk mund të flisni për të, nëse ka pyetje të flasi jo deklamime. Ulu në vend! Dëgjon apo nuk dëgjon. Ulu në vend!
