Festimet për 35-vjetorin e themelimit të Partisë Socialiste në Fier janë shoqëruar me polemika të forta politike.
Ish-deputeti socialist i Fierit, Petro Koçi ka reaguar ashpër ndaj ish-zv/kryeministres Belinda Balluku, duke e akuzuar për përçarje brenda socialistëve dhe për deformim të historisë së PS-së në qarkun e Fierit.
● Reagimi publik nga Petro Koçi:
“Bulevardi digjet, korrupsioni krihet. Themeluesja e korrupsionit nuk mund te mos e ushtroje zanatin edhe ne nje ceremoni kremtimi te pervjetorit te themelimit te PS.
Zakonisht ajo mbjell frike dhe servilizem kudo ku e dergojne, ne detyra shteterore apo partiake.
Mbreme shfaqi edhe vesin e lig te percarjes se themeluesve te PS. Ca i ftoi, ca i harroi. Servilet dhe frikacaket rreth saj nuk bezane. Performoi haptaz nje sjellje ordinere prej hakmarreseje. Hierarkine e kontributeve te themelimit, modernizimit dhe fuqizimit te PS nuk e hedh dot askush ne koshin e plehrave.”
Deputeti socialist vijon më tej akuzat ndaj Ballukut, duke e lidhur atë edhe me zhvillimet e fundit politike në Fier dhe procesin zgjedhor.
“Aspak imazhi i nje individi qe frymezon protestat e pernatshme ne bulevardin e Tiranes dhe qe ushqen PD ne e Sali Berishes.
Aspak njeriu qe ne zgjedhjet e Majit 25 i solli historise se PS Fier turpin e vjedhjes se votave edhe brenda llojit, e verifikuar nga procesi i rinumerimit, apo skandalin e fallsifikimit te perberjes se listes fituese ne numerimin e pare te fleteve te votimit. Dhe kurre njeriu qe perfshiu ne listen e deputeteve pinjollet e atyre qe i bene nenen votave dhe sakrificave te socialisteve ne zgjedhjet e vijes se kuqe te vitit 96 apo te atyre qe hoqen mbathjet para grave te Libofshes. Nuk e crresnjosin dot historine e themelimit te PS themeluesit e korrupsionit.”, shkruan Petro Koçi.
