Deputeti socialist Arben Ahmetaj e ka konsideruar një projekt model atë të zhvillimit të Portit të Durrësit. Kur të përfundojë, investimi do të jetë një model për Shqipërinë dhe veç kontributit vjetor në GDP, aty do të punësohen dhe 12 mijë persona.
Duke ju drejtuar opozitës, Arben Ahmetaj theksoi se ajo mundohet të hedhë baltë në çdo investim, e madje sipas tyre Alabbar tani që do të ndërtojë Portin e Durrësit është i keq, kurse kur ndërtoi apartamente falas për tërmetin, ishte i mire.
“Pas aq vitesh nuk dihet nëse do jemi gjallë, por fëmijët tanë do jenë. Do të jetë një Port model për Shqipërinë. Pse pak janë 12 mijë vende pune që do shkojnë në punë atje? Apo kjo nuk ju hyn në sy juve. A nuk ju pëlqen investitori!!! Ky që ndërton për rindërtimin falas në emër të Princit të Kurorës, për qytetarët shqiptarë, qenka i mirë të ndërtojë apartamente e infrastrukturë për rindërtimin, por nuk qenka i mirë të ndërtojë pallate e hotele këtu. Pastaj thoni ky ka aq para e aq para. Ju mundoheni tu hidhni baltë të gjitha investimeve“, tha Ahmetaj.
