Me nënshkrimin e marrëveshjes mes shtetit shqiptar dhe investitorit arab Mohamed Alabbar, nis hapja e kantierit për ndërtimin e portit të ri turistik në Durrës.
Ndërtimi i portit të marinës dhe jahteve do të shtrihet në një sipërfaqe, pronë shtetërore prej 800 mijë metër katror dhe me vlerë investimi 2.1 miliardë euro.
Projekti do të zhvillohet në dy faza. E para pritet të zgjasë pesë vite dhe e dyta është parashikuar të nisë në 2028-ën. Përveç portit të jahteve, aty do të ndërtohen pallate shumëkatëshe, hotele, mjedise argëtimi dhe të gjelbërta.
“Në Shqipëri, po implementojnë një nga projektet më të mira në botë dhe më pas do të eksportojnë dije. Në Durrës do të jetë një nga teknologjitë më të përparuara. Imagjinoni se si do të shkojë puna për zgjidhjen për heqjen e mbetjeve, pra teknologji shumë e përparuar”, tha Alabbar.
