Kryeministri Edi Rama gjatë një ceremonie në ambientet e QSUT-së ka prezantuar ministren e re të Shëndetësisë, Evis Sala.
Ministrja e re tha se në spitalet e vendit pritet që të bëhen ndryshime të rëndësishme pasi nuk duhet të çalojë performanca e shërbimit.
Gjatë fjalës prezantuese, ministrja Sala u zotua se duhet zgjidhur patjetër çështja e rimbursimeve të barnave onkologjike.
“Ajo që dua të fokusoj punën time, mendoj që është e rëndësishme zgjidhja sa më parë e rimbursimit të barnave onkologjike. E palejueshme për ne që barbat onkologjike nuk janë plotësisht të rimbursueshme. Kjo është një sfidë edhe e imja. Është e bëshme. Shumë kyç është riorganizimi i shërbimit parësor dhe diagnostikues, do shpëtojë shumë jetë dhe do ulë fluksin në spitale. Nuk mundet që çdo spital të jetë i mbingarkuar“, tha ministrja e re.
