Ministri i Mbrojtjes, Niko Peleshi se bashku me Elisa Spiropalin kanë monitoruar nga afër situatën në të cilën ndodhet harku i Bërdicës, Shkodër, si një nga zonat më të prekura për shkak të reshjeve të dendura të shiut.
Gjatë fjalës së tij Peleshi tha se ka pasur një “tërheqje të ujit në disa zona si dhe shkarkimet në hidrocentralin e Vaut të Dejës janë zvogëluar“, gjë e cila sjell një përmirësim në kaskadë si dhe lirimin e akseve rrugore dhe të fushave. Ndërkohë, Spiropali tha se lajm i mirë është që u hap rruga dhe është e kalueshme tani në harkun e Bërdicës.
“Dua të falenderoj të gjithë trupat e ushtrisë dhe ministrin për mjetet dhe transportin e qytetarëve ka qenë i domosdoshëm dhe kjo punë është bërë pandërprerë. Lajmi i mirë që është hapur rruga dhe është e kalueshme tani në harkun e Bërdicës. I bëjmë ftesë që të bashkohet pushteti lokal (Bardh Spahia) pasi ka një kohë për politikë dhe deklarata dhe ka një kohë për tu bërë të gjithë bashkë dhe për të kapërcyer vështirësitë e situatës”, tha Spiropali.
