Këshilltarët e PSD-së së Tom Doshit braktisën mbledhjen e këshillit bashkiak në Shkodër, ndërsa aksionit të tyre iu bashkuan edhe këshilltarët e PD-së së Berishës.
Kjo braktisje e mbledhjes së Këshillit Bashkiak nga PSD duke lënë të vetëm të majtët, vjen pas disa shkarkimeve të drejtorëve rajonal të PSD në qarkun Shkodër, përpara zgjedhjeve të 11 Majit.
Dy përfaqësues të PSD-së, Gjek Sokoli dhe Rezarta Pode, janë larguar nga pozicionet e tyre drejtuese në institucione shtetërore në muajin mars. Gjek Sokoli, i cili mbante postin e drejtorit të Inspektoratit Shtetëror Shëndetësor (ISHSH), si dhe Rezarta Pode, drejtoreshë e kompanisë shtetërore të sigurisë “Illyrian Guard” për Shkodrën.
Këto largime në nisje të fushatës kanë nxitur spekulime mbi një prishje të mundshme të bashkëpunimit mes PS-së dhe PSD-së.
Partia Socialiste ka 18 këshilltarë nga 51 që janë në total në ‘Parlamentin e Shkodrës’, ndërsa ndërsa socialdemokratët kanë 11 këshilltarë. PD e Berishës 12 këshillarë dhe 5 janë të Bashës. Me bashkimin e votave të PD dhe PSD, kryebashkiaku Benet Beci me socialistët nuk vendos dot i vetëm për të kaluar projekt vendimet në këshill.
