Kryeministri Edi Rama ka qenë sot në ceremoninë “Mësuesi i Vitit”, ku ka përgëzuar mësuesit për punën e tyre.
Rama premtoi se kushdo që zgjedh të vazhdojë shkollën e mësuesisë do të marrë bursë me vlerën e pagës minimale (340 mijë lekë të vjetra). Kryeministri bëri gjithashtu me dije se do të ketë sërish rritje page për mësuesit, po ashtu edhe për punonjësit psiko-socialë dhe oficerët e sigurisë.
“Studentët që ndjekin mësuesinë do përfitojnë një bursë mujore që do jetë në vlerën e një page minimale. Shkollën e mësuesisë e kemi kthyer në një program kombëtar, studentët që futen në shkollën e mësuesisë marrin dhe pagën e përmuajshme deri në përfundim të shkollës. Se pas shkollës marrin përsipër diçka që është gjëja më e shtrenjtë, siç janë fëmijët. Do ti rrisim përsëri pagat për mësuesit, për punonjësit psikosocial dhe ata të sigurisë. Kemi arritur në 11 mld e 380 mln për të mbështetur lëvizjen e mësuesve”, tha Rama.
