Aeroporti i Rinasit është kthyer sot në një ‘pikëtakim’ për kryeministrin Edi Rama dhe kreun e Partisë Demokratike, Sali Berisha, të cilët ndodhen në të njëjtën kohë në aeroport, por me destinacione dhe agjenda të ndryshme.
Edi Rama ka mbërritur në Rinas pas kthimit nga Shtetet e Bashkuara dhe pritet t’u drejtohet shqiptarëve me një mesazh.
Ndërkohë, në aeroport ndodhet edhe kryetari i Partisë Demokratike, Sali Berisha, i cili pritet të udhëtojë drejt Strasburgut, ku do të marrë pjesë në aktivitetet e Këshillit të Europës.
