Deputeti Fatmir Xhafaj është gati për të “luftuar” për mandatin e deputetit në qarkun e Tiranës.
Gjatë reagimit, Xhafaj u shprehur i bindur për fitore njësoj si 4 vite më parë, kur edhe pse në listë në hapur i renditur i 23-i, me votat personale të mbledhura, 16.245, theu herësin dhe fitoi mandatin e deputetit.
“Përpara është një tjetër sfidë e re! Po rinis këtë garë për të fituar së bashku me ju një mandat të ri në shërbimin ndaj vendit! Me bindjen e vendosmërinë se kjo është rruga e duhur për të konsoliduar së bashku shtyllat e shtetit modern, për të thelluar më tej reformat për Shqipërinë në BE dhe për të vijuar së bashku me punët që kemi përpara, ju ftoj të bëheni pjesë e këtij rrugëtimi historik, me Partinë Socialiste në 11 maj! Unë dhe skuadra ime jemi gati për këtë sprovë të re, kandidimin tim në zgjedhjet e 11 majit në listën e hapur të PS-së për qarkun Tiranë. Me shumë përunjësi dhe mirënjohje do kërkoj përsëri jo thjesht votën tuaj, por zemrën e socialistëve dhe besimin e zgjedhësve në të gjithë qarkun e Tiranës për një sfidë të re, për një tjetër rrugëtim të përbashkët të sukseshëm! Bashkë është e mundshme! Me mbështetjen e zemrave dhe kontributet tuaja”, shkruan Xhafaj.
