Kryeministri Edi Rama ka deklaruar se një samit i Bashkimit Evropian në kryeqytetin shqiptar demonstron interesat e rritura gjeostrategjike të BE-së në rajonin e Ballkanit Perëndimor. Rama do të jetë pritësi i takimit njëditor që synon nesër rindezjen e procesit të zgjerimit të BE-së.
“Momenti është fantastik. Askush nuk mund ta imagjinonte dy vjet më parë dhe tani po ndodh. Samiti do të sjellë shumë për Ballkanin Perëndimor, për vendin tonë, shumë energji pozitive, shumë shpresë, shumë rrugë të reja, shtigje të reja, të cilat do të përcaktohen në hapat e ardhshëm”, tha Rama për mediat ndërkombëtare.
Kryeministri Rama e quajti takimin e nesërm “ngjarja më e rëndësishme në historinë e marrëdhënieve ndërkombëtare të Shqipërisë”, duke vënë në dukje se vendi ish-komunist ishte deri në vitin 1990 plotësisht i shkëputur nga bota dhe nga Europa.
