Kryeministri Edi Rama ka inspektuar sot zonat e përmbytura në qytetin e Shkodrës, ku bëri një paralelizëm me përmbytjet e ndodhura në vitin 2010, kohë kur qeveriste PD-ja. Rama tha se situata në Shkodër është drejt përmirësimit por theksoi se përmbytjet sot nuk mund të krahasohen me kohën e Saliut.
Rama tha se përmbytjet nuk kanë ardhur si pasojë e hapjes së portave të kaskadës së Drinit, ndërsa tha se po punohet për të mos mbivendosur shkarkimet me prurjet natyrore.
Rama: “Nga informacioni që mora unë do të ketë sërish reshje shiu që do të fillojnë nga mesnata. Ajo që është për të vënë duart në kokë është gjithë shtreembërimi i qëllimshëm që i bëhet situatës në këto kanale, portale. Krahasuar me të pakrahasueshmen, atë të 2010 është një situatë e paimagjinueshme, është kot t’i hyjmë kësaj. Numri i familjeve të prekura nga permbytjet sot është minimale etj”.
