Kryeministri Edi Rama ka zbuluar se në Shqipëri është bërë një ndërhyrje me sukses të një pacienti në spital.
Rama shkruan se ky operacion delikat në tru është kryer në Shqipëri njësoj si në klinikat më të mira të Europës.
“LAJM SHUMË I MIRË. Një ndërhyrje delikate në tru me pacientin zgjuar, nga ato operacione që kryhen në klinikat më të mira europiane, është realizuar me sukses nga ekipi i Neurokirurgjisë në QSUT, duke i shpëtuar jetën të riut 24-vjeçar. Respekt dhe mirënjohje për bluzat e bardha, të cilat dita-ditës provojnë se sot keq për spitalet flasin ata, që lavdi Zotit s’kanë pasur nevojë të shkojnë në spital ose kanë shkuar kohë më parë dhe nuk e dinë apo nuk duan ta besojnë, se shërbimi ynë spitalor ka ndryshuar me themel, edhe pse ka ende shumë për të bërë, padyshim”, shkruan Rama.
