Kryeministri Edi Rama ka reaguar për heqjen e barrikadave në veri të Kosovës, ku për mbi dy javë u mbajtën të bllokuara disa rrugë kryesore që lidhin Prishtinën dhe Beogradin.
Rama thotë se kjo formë proteste mori dhe bekimin e aleatëve perëndimorë, SHBA e BE, mirëpo qeveria shqiptare nuk është dakord fare në këtë pikë.
“Asgjë e re, shfaqja zgjati ca më shumë, tensioni u ngrit ca më lart, fjalët u këmbyen me ca më shumë zjarr, manovrat ushtarake patën ca më shumë hov, po fundi qe po i njëjti dhe të gjithë u kthyen në shtëpi, sekush me fitoren e vet me vete si gjithmonë!
Ah po, diçka e padëgjuar ndodhi! Doli kuptimi i ri i barrikadës, e cila pas 434 vjetësh hyri në listën e mjeteve të protestës paqësore me bekimin e BE dhe të SHBA! Shpresojmë në mirëkuptimin e aleatëve tanë strategjikë për të mos qenë dakord në këtë pikë. Po fare!”, shkruan Rama.
